Отбасымызбен керемет демалып қайттық. Үш нөмірге орналасқан едік, бәрі алдын ала ойластырылғандай жақсы ұйымдастырылды. Қонақүйге келгеннен бастап қызметкерлер жылы қарсы алып, қажетті ақпараттың бәрін түсіндіріп берді. Нөмірлеріміз таза, жинақы әрі жайлы болды. Отбасымызбен келгенде ең маңыздысы — балаларға да, үлкендерге де ыңғайлы жағдайдың болуы, бұл жағынан көңілімізден шықты. Концерт өте жоғары деңгейде өтті, атмосферасы ерекше болды, бәрімізге қатты ұнады. Ұйымдастыруы да жақсы, уақытты көңілді өткіздік. Аттракциондарға да мініп көрдік, балаларымыздың қуанышында шек болмады. Олар үшін бұл демалыс ұмытылмас естелік болды десек болады. Қонақүй аумағында серуендеп, отбасымызбен бірге уақыт өткізу де өте жағымды болды. Қызмет көрсету деңгейі жақсы, қызметкерлер сыпайы әрі көмектесуге дайын екені байқалды. Әсіресе Назеркеге алғыс айтқымыз келеді. Ол бізге тез арада нөмірлерді қабылдап, орналасуға көмектесті. Барлығын түсінікті әрі жылдам ұйымдастырып, күтіп тұрмай-ақ жайғасуымызға жағдай жасады. Осындай ықыласты қарым-қатынас демалыстың басынан-ақ жақсы әсер қалдырды. Жалпы, сапарымыз өте сәтті өтті, ешқандай көңіл толмайтын жағдай болған жоқ. Отбасымызбен жақсы демалып, көтеріңкі көңіл күймен қайттық. Осындай демалыс сыйлаған қонақүй ұжымына рақмет! Келесі жолы да міндетті түрде келуге тырысамыз және жақындарымызға да ұсынамыз. Керемет әсер алдық