Rixos Actau қонақ үйіндегі демалысымыз өте жоғары деңгейде өтті! Басынан аяғына дейін ұйымдастыру жұмыстары сұмдық ұнады, барлығы ұсақ-түйегіне дейін ойластырылған. Қонақ үйдің іші де, сырты да тап-таза, аумағы өте кең әрі әдемі жасалған. Ресепшннен бастап күтіп алу жоғары дәрежеде болды. Тамақтардың түрі өте көп, барлығы балғын әрі өте дәмді дайындалған.

Отбасымызбен де, достармен келіп демалуға да таптырмас орын. Әсіресе біз болған кездегі кешкі концерт ерекше әсер қалдырды! Музыка, жарық, сахналық атмосфера мен әртістердің өнері жоғары деңгейде болды, кеш бойы билеп, жақсы көңіл-күй алдық. Балаларға да, үлкендерге де арналған бағдарламалар өте қызықты, күн сайын жаңа шоулар өтіп жатты. Бассейн мен жағажай да өте таза, құтқарушылар өз істерін мұқият атқарады.

Сондай-ақ қызметкерлердің кішіпейілділігін бөлек атап өткім келеді. Барлығы күлімдеп қарсы алып, кез келген сұрақ бойынша көмектесуге дайын тұр. Әсіресе Назерке есімді қызметкерге ерекше алғыс білдіремін! Оның кәсібилігі, бізге деген ықыласы, назары мен ашық-жарқын қарым-қатынасы демалысымызды одан әрі жайлы әрі ұмытылмас етті. Назерке сияқты өз ісін сүйіп атқаратын мамандардың арқасында осындай орындарға қайта-қайта оралғың келеді.

Жалпы демалыс өте керемет, жоғары деңгейде өтті, шаршағанымызды ұмытып, жақсы қуат алып қайттық. Rixos Actau ұжымына үлкен рақмет, бұл жерді барлық достарыма міндетті түрде ұсынамын.