Rixos-та екеуміз болып демалып қайттық, шынымызды айтсақ, бәрі күшті өтті! Қонақүйдің атмосферасы бірден ұнады, іші әдемі, таза, бөлмелері жайлы, жалпы өзіңді үйдегідей еркін сезінесің. Демалысқа келгеннен кейін артық ештеңе ойламай, жай ғана рахаттанып жатқың келеді ғой, бізде дәл солай болды. Қызметкерлердің бәрі жылы сөйлейді, бір нәрсе сұрасаң, қабақ шытпай көмектеседі. Таңғы астары да ұнады, таңдау жеткілікті, бәрі дәмді, аш қалмайсың. Қысқасы, демалысымыздың әр күні жақсы көңіл күймен өтті.

Бөлек атап өткіміз келетіні – Guest Relations қызметкері Назерке. Өте жақсы адам екен! Алғашқы сөйлескеннен-ақ өзіне деген жақсы әсер қалдырды. Әрдайым күлімдеп жүреді, бізбен еркін сөйлесіп, барлық сұрағымызға көмектесіп отырды. Ешқандай жасандылық жоқ, бәрі шын көңілмен жасалғаны байқалады. Осындай адаммен сөйлескеннің өзі көңіл көтереді. Назерке, саған үлкен рақмет! Еңбегің бағалансын, әрдайым осындай позитивті болып жүр!

Жалпы, екеумізге де Rixos қатты ұнады. Бірге уақыт өткізуге, демалып, күнделікті тіршіліктен аздап алыстауға таптырмайтын жер екен. Кететін кезде тағы біраз қалғымыз келіп тұрды. Осындай жақсы әсер сыйлаған бүкіл ұжымға рақмет! Тағы келеміз деген ойымыз бар, тіпті келесі демалысты да осында өткізсек артық болмайды. Бізден толық рекомендация!